Կիբերանվտանգության հիմունքներ | Նախապատրաստական դասընթաց
- Դասընթացի օրեր
-
- Երեքշաբթի ,
- Հինգշաբթի ,
- Շաբաթ
- Դասընթացի տևողություն
- 12 դաս x 2 ժամ
- Դասընթացի ժամեր
- 19:00 - 21:00
- Դասընթացի սկիզբ
- Հինգշաբթի, հունիսի 04
- Վճար
- Անվճար
- Պահանջվող գիտելիքներ
- Համակարգչային գրագիտություն
Մայքրոսոֆթ ինովացիոն կենտրոն Հայաստանը (ՄԻԿ) Ucom-ի աջակցությամբ մեկնարկում է «Կիբերանվտանգության կրթական ծրագիր դեռահասների համար» նախաձեռնությունը, որի նպատակն է բարձրացնել երիտասարդների թվային գրագիտությունը և նպաստել կիբերանվտանգության վերաբերյալ իրազեկվածության ձևավորմանը։
Այս ծրագրի շրջանակում կազմակերպվում է «Կիբերանվտանգության հիմունքներ» անվճար դասընթացը: Այն նախատեսված է նրանց համար, ովքեր ցանկանում են բացահայտել կիբերանվտանգության ոլորտը, ստանալ հիմնարար գիտելիքներ և հասկանալ՝ արդյոք ցանկանում են շարունակել մասնագիտական զարգացումը տվյալ ոլորտում։
Ի՞նչ կսովորեք
Դասընթացի ընթացքում մասնակիցները՝
- Ընդհանուր պատկերացում կկազմեն կիբերանվտանգության ոլորտի մասին
- Կծանոթանան անվտանգության հիմնական սպառնալիքներին և պարզ մեթոդներին
- Կսովորեն՝ ինչպես գտնել խոցելիություններ համակարգչային ցանցերում, և ինչ միջոցներով են հաքերները կիրառում այդ խոցելիությունները
- Կսովորեն օգտագործել հատուկ գործիքներ՝ ուսումնասիրելու և վերլուծելու նպատակով
- Կկատարեն պարզ փորձեր՝ օգտագործելով գործնական հարթակներ, որոնք նմանեցնում են իրական կիբերանվտանգության իրավիճակները:
Դասընթացի ծրագրի համար սեղմեք այստեղ։
Դասընթացի ավարտին կկազմակերպվի Mini-CTF (Capture The Flag) մրցույթ, որը հնարավորություն կտա մասնակիցներին թիմերով աշխատել իրական սցենարների վրա հիմնված առաջադրանքների շուրջ՝ զարգացնելով ոչ միայն տեխնիկական գիտելիքները, այլև թիմային աշխատանքի, վերլուծական մտածողության և խնդիրների լուծման հմտությունները։
Ովքե՞ր կարող են մասնակցել
Դասընթացը նախատեսված է 14-17 տարեկան դեռահասների համար, ովքեր ունեն համակարգչային տարրական գիտելիքներ և հետաքրքրված են ոլորտով։
Դասընթացավարը
Մարտին Ղամբարյանը OSCP սերտիֆիկացված դասախոս է, ով ունի ավելի քան 10 տարվա փորձ կիբերանվտանգության ոլորտում։ Նրա փորձառությունը ներառում է ներթափանցման թեստավորում, վեբ հավելվածների անվտանգություն, ցանցերի և անլար տեխնոլոգիաների պաշտպանություն, ինչպես նաև անվտանգ համակարգերի նախագծում։ Իր կարիերայի ընթացքում Մարտինը համագործակցել է տարբեր կազմակերպությունների հետ՝ օգնելով ամրապնդել նրանց պաշտպանական ռազմավարությունները և նվազեցնել կիբեռռիսկերը:
Ինչպե՞ս դիմել
Ցանկացողները մինչ հունիսի 2-ը պետք է լրացնեն ստորև ներկայացված հայտադիմումը։ Հարցերի դեպքում զանգահարեք (099) 545 343, (041) 545 343 հեռախոսահամարներով և մենք ուրախ կլինենք պատասխանել Ձեր հարցերին։ Դիմորդների տրամաբանական մտածողությունն ու համակարգչային գրագիտությունը ստուգելու համար կկազմակերպվի թեստավորում։ Ընտրված մասնակիցները կտեղեկացվեն նախապես։