Կիբեռանվտանգության հիմունքներ | Նախապատրաստական դասընթաց
Դասընթացի համար գրանցումը այս պահին փակ է։
- Դասընթացի օրեր
-
- Երկուշաբթի ,
- Չորեքշաբթի ,
- Ուրբաթ
- Դասընթացի տևողություն
- 12 դաս x 2 ժամ
- Դասընթացի ժամեր
- 18:30 - 20:30
- Դասընթացի սկիզբ
- Ուրբաթ, հուլիսի 10
- Վճար
- Անվճար
- Պահանջվող գիտելիքներ
- Համակարգչային գրագիտություն
Մայքրոսոֆթ ինովացիոն կենտրոն Հայաստանը (ՄԻԿ) Ucom-ի աջակցությամբ մեկնարկում է «Կիբեռանվտանգության կրթական ծրագիր դեռահասների համար» նախաձեռնությունը, որի նպատակն է բարձրացնել երիտասարդների թվային գրագիտությունը և նպաստել կիբեռանվտանգության վերաբերյալ իրազեկվածության ձևավորմանը։
Այս ծրագրի շրջանակում կազմակերպվում է «Կիբեռանվտանգության հիմունքներ» անվճար դասընթացը: Այն նախատեսված է նրանց համար, ովքեր ցանկանում են բացահայտել կիբեռանվտանգության ոլորտը, ստանալ հիմնարար գիտելիքներ և հասկանալ՝ արդյոք ցանկանում են շարունակել մասնագիտական զարգացումը տվյալ ոլորտում։
Ի՞նչ կսովորեք
Դասընթացի ընթացքում մասնակիցները՝
- Ընդհանուր պատկերացում կկազմեն կիբեռանվտանգության ոլորտի մասին
- Կծանոթանան անվտանգության հիմնական սպառնալիքներին և պարզ մեթոդներին
- Կսովորեն՝ ինչպես գտնել խոցելիություններ համակարգչային ցանցերում, և ինչ միջոցներով են հաքերները կիրառում այդ խոցելիությունները
- Կսովորեն օգտագործել հատուկ գործիքներ՝ ուսումնասիրելու և վերլուծելու նպատակով
- Կկատարեն պարզ փորձեր՝ օգտագործելով գործնական հարթակներ, որոնք նմանեցնում են իրական կիբեռանվտանգության իրավիճակները:
Դասընթացի ծրագրի համար սեղմեք այստեղ։
Դասընթացի ավարտին կկազմակերպվի Mini-CTF (Capture The Flag) մրցույթ, որը հնարավորություն կտա մասնակիցներին թիմերով աշխատել իրական սցենարների վրա հիմնված առաջադրանքների շուրջ՝ զարգացնելով ոչ միայն տեխնիկական գիտելիքները, այլև թիմային աշխատանքի, վերլուծական մտածողության և խնդիրների լուծման հմտությունները։
Ովքե՞ր կարող են մասնակցել
Դասընթացը նախատեսված է 14-17 տարեկան դեռահասների համար, ովքեր ունեն համակարգչային տարրական գիտելիքներ և հետաքրքրված են ոլորտով։
Դասընթացավարը
Մերի Քոչարյանը կիբեռանվտանգության սերտիֆիկացված մասնագետ է՝ սպառնալիքների հայտնաբերման, միջադեպերի արձագանքման և տեղեկատվական անվտանգության օպերացիոն գործընթացների կառավարման հաջող փորձով։ Հաջողությամբ ներդրել և օպտիմալացրել է կիբեռանվտանգության առանցքային լուծումներ, այդ թվում՝ SIEM, EDR, MDM, DLP, IAM, WAF և այլ համակարգեր՝ ֆինանսական հաստատությունները ժամանակակից և զարգացող կիբեռսպառնալիքներից պաշտպանելու նպատակով։ Այժմ աշխատում է Արդշինբանկում։
Ինչպե՞ս դիմել
Ցանկացողները մինչ հուլիսի 8-ը պետք է լրացնեն ստորև ներկայացված հայտադիմումը։ Հարցերի դեպքում զանգահարեք (099) 545 343, (041) 545 343 հեռախոսահամարներով և մենք ուրախ կլինենք պատասխանել Ձեր հարցերին։ Դիմորդների տրամաբանական մտածողությունն ու համակարգչային գրագիտությունը ստուգելու համար կկազմակերպվի թեստավորում։ Ընտրված մասնակիցները կտեղեկացվեն նախապես։