Տվյալների վերլուծության ճամբար

Դասընթացի սկիզբ

10 դեկտեմբերի, 2024

Դիմումների վերջնաժամկետը

7 դեկտեմբերի, 2024

Ծրագրի տևողություն

6-6.5 ամիս

Տեղեկատվական հանդիպում

Ուրբաթ, դեկտեմբերի 06, 19:30

Գիտեի՞ք, որ աշխարհի տվյալների 80%-ը ոչ կառուցվածքային է:

Տվյալների մեծ մասն այնքան քաոտիկ է, որ անհնար է դրանք վերլուծել՝ սկսած էլեկտրոնային նամակներից և սոցիալական մեդիայի հրապարակումներից մինչև տեսանյութեր: Այսօր տվյալները դարձել են ամենաարժեքավոր ռեսուրսներից մեկը, ինչպես նավթն էր 20-րդ դարում: Եվ ճիշտ նավթի պես, տվյալներն էլ պետք է մշակվեն՝ իրենց ամբողջական պոտենցիալը դրսևորելու համար:

Տվյալների վերլուծաբանները վերծանում են հսկայական ծավալի տվյալներ և դրանք վերածում բիզնեսի զարգացմանը նպաստող արժեքավոր տեղեկատվության: Եվ հենց սա է պատճառը, որ նրանց աշխատանքը այդքան մեծ պահանջարկ ունի:

Ուզո՞ւմ եք համակարգել քաոսը: Միացե՛ք մեր Տվյալների Վերլուծության ճամբարին և սովորե՛ք անհրաժեշտ հմտությունները՝ բարդ և ոչ կառուցվածքային տվյալները վերլուծելու ու դրանց արժեք հաղորդելու համար:

Ի՞նչ է իրենից ներկայացնում Տվյալների վերլուծության ճամբարը

Մայքրոսոֆթ Ինովացիոն Կենտրոնը պարբերաբար թարմացնում է իր դասընթացների ցանկը՝ ավելացնելով թեմաներ, որոնք թե՛ այսօր են արդիական, և թե՛ կարևոր են ապագայի համար: Հաշվի առնելով տվյալների վերլուծության աճող դերը տարբեր ոլորտներում, մենք ուրախ ենք հայտարարել մեր նոր «Տվյալների վերլուծության» ճամբարի մեկնարկի մասին:

Ճամբարի արդյունքում ձեռք կբերեք այնպիսի գիտելիքներ և գործնական հմտություններ, որոնք անհրաժեշտ են բարդ տվյալների հետ աշխատելու համար: Ճամբարի ընթացքում ուշադրություն կդարձվի ինչպես տվյալների հավաքագրմանն ու մաքրմանը, այնպես էլ վերլուծությանն ու վիզուալիզացիային: Դուք կսովորեք կառավարել թե՛ կառուցվածքային, թե՛ ոչ կառուցվածքային տվյալներ՝ կիրառելով ոլորտի ստանդարտ գործիքներ և մեթոդներ:

Անկախ նրանից՝ դուք նոր եք ոլորտում, թե ունեք ոլորտի բազային գիտելիքները, այս ճամբարը ձեզ կտրամադրի այն գործնական գիտելիքներն ու հմտությունները, որոնք անհրաժեշտ են տվյալների հետ արդյունավետ աշխատելու համար: Դասընթացի ավարտին դուք կունենաք մեծ տվյալների հավաքագրման և վերլուծության հմտություններ։

Կարճ ծրագիրը ներկայացված է այստեղ։

Լրացուցիչ տեղեկությունների համար միացե՛ք մեր տեղեկատվական հանդիպմանը, որը կկայանա դեկտեմբերի 6-ին, ժամը 19:30-ին:

Ծանոթացե՛ք Ձեր դասախոսի և մենթորի հետ

Փորձառու մասնագետի մենթորությունը հաջողության կեսն է։ Սուրեն Էդիլյանը ծրագրային ճարտարագետ է՝ ավելի քան 10 տարվա փորձով ծրագրավորման ոլորտում, և ոլորտի լավագույն մասնագետներից մեկն է: Մայքրոսոֆթ Ինովացիոն Կենտրոնում դասավանդում է 2017 թվականից, և 300-ից ավելի ուսանողներ նրա շնորհիվ են սովորել ծրագրավորում։ Որպես «Տվյալագիտություն» կրթական ծրագրի ղեկավար՝ Սուրենը ունի ինչպես ծրագրավորման, այնպես էլ տվյալների վերլուծության լայնածավալ փորձառություն՝ ապահովելով ամբողջական ուսումնական փորձառություն Տվյալների Վերլուծության ճամբարի համար:

Ինչպե՞ս մասնակցել

Ցանկացողները մինչև դեկտեմբերի 7-ը պետք է լրացնեն ստորև ներկայացված հայտադիմումը: Գրանցված մասնակիցները կհրավիրվեն տեղեկատվական հանդիպման: Ճամբարի մասնակցությունը խիստ մրցակցային է, և ընդգրկվելու են այն 12-15 մասնակիցները, որոնք հաջողությամբ կանցնեն հարցազրույցը:

Որքա՞ն արժի ճամբարը

Ուսման վարձը կազմում է 497,000 ՀՀ դրամ։

Ծրագիրը կսկսվի 2024 թվականի դեկտեմբերի 10-ին և կտևի 6-6,5 ամիս։