Full Stack .NET ծրագրավորման ճամբար Optimum Partners-ի հետ
- Դասընթացի սկիզբ
- 2 դեկտեմբերի, 2024
- Դիմումների վերջնաժամկետը
- 26 նոյեմբերի, 2024
- Ծրագրի տևողություն
- 6-6.5 months
- Տեղեկատվական հանդիպում
- Երկուշաբթի, նոյեմբերի 25, 19:00
Ծրագրավորման նոր ճամբար, լավ աշխատանք սկսելու նոր հնարավորություններ։
Այսօրվա ՏՏ ոլորտը զարգանում է աննախադեպ արագությամբ, և ընկերությունները կրտսեր ծրագրավորողներից պահանջում են ավելի բազմակողմանի հմտություններ, քան երբևէ: Եթե մի քանի տարի առաջ բավարար էին միայն տեսական գիտելիքները և նվազագույն պրակտիկ փորձը, այսօր ընկերությունները պահանջում են առավել խորը տեխնիկական հմտություններ, և փափուկ հմտություններ (soft skills)՝ թիմային աշխատանքի, հաղորդակցման էթիկայի և խնդիրների լուծման ունակությունների ձևով:
Մայքրոսոֆթ ինովացիոն կենտրոնը Optimum Partners Armenia ընկերության հետ համատեղ մշակել է բացառիկ բովանդակությամբ ծրագրավորման ճամբար, որը կսովորեցնի մտածել որպես ծրագրավորող, ձեռք բերել տեսական և պրակտիկ հիմնարար գիտելիքներ, մշակել տեխնոլոգիական լուծումներ թիմային միջավայրում, աշխատել իրական նախագծերի վրա, ծանոթանալ ոլորտի լավագույն մասնագետների հետ և ընդգրկվել Optimum Partners Armenia-ի թիմում որպես կրտսեր .NET ծրագրավորող։
Ծրագրի արդյունավետության ապացույցն է այն հանգամանքը, որ ծրագրավորման նախորդ ճամբարների արդյունքում 1000-ից ավել ուսանողներ աշխատում են տարբեր ընկերություններում` սկսնակից մինչև ավագ ծրագրավորողներ։
Optimum Partners Armenia-ի մասին
«Optimum Partners»-ը հիմնադրվել է 2016 թվականին Հորդանանում: Այն առաջարկում է միջազգային ՏՏ ծառայություններ այնպիսի ուղղություններով, ինչպիսիք են front-end և back-end ծրագրավորումը, ծրագրային ապահովման մշակումը և թեստավորումը՝ ինչպես մեխանիկական, այնպես էլ ավտոմատացված եղանակով, DevOps-ը, ենթակառուցվածքների կառավարումն ու ապահովումը, ինչպես նաեւ բիզնես գործընթացների արտապատվիրումը՝ BPO-ն: 2022 թվականին «Optimum Partners»-ը ընդլայնեց իր գործունեությունը՝ բացելով նոր գրասենյակ Երևանում: Ընկերության նպատակն է զարգացնել և առաջ մղել Հորդանանի, Հայաստանի և այլ երկրների տեխնոլոգիական տաղանդը՝ կապելով նրանց գլոբալ շուկայի առաջատարների հետ՝ գնահատելով բազմազանությունն ու նորարարական մոտեցումները։
Ի՞նչ է իրենից ներկայացնում ընկերության հետ համատեղ անցկացվող ծրագրավորման ճամբարը
Մայքրոսոֆթ ինովացիոն կենտրոնի լավագույն մասնագետների կողմից մշակված ինտենսիվ դասընթացներ, որոնք կիրականացվեն հետաքրքիր միջավայրում։ Ծրագիրն իրականացվում է Optimum Partners Armenia ընկերության հետ համատեղ և հարմարեցված է կազմակերպության պահանջներին։
Ճամբարը ներառում է հետևյալ թեմաները՝
- Խորացված C# և .NET միջավայր
- Խորացված տվյալների բազաների ծրագրավորում
- Ամպային հաշվարկներ (Cloud Computing)
- Իրական նախագծերի մշակում. դուք հնարավորություն կունենաք աշխատել «Optimum Partners»-ի ընթացիկ նախագծերի վրա, ինչը թույլ կտա զարգացնել ձեր գործնական հմտությունները՝ համագործակցելով թիմի հետ:
- Բարձր մակարդակի անգլերեն․ դասընթացի ավարտին դուք կունենաք անգլերենի առնվազն B2 մակարդակի իմացություն:
Երկու ժամ տևողությամբ դասերը լինելու են շաբաթական 3-4 օր, երեկոյան ժամերին։ Սակայն հաջողության կհասնի միայն այն մասնակիցը, ով աշխատասեր է և պատրաստ է օրական ամենաքիչը 4 ժամ տրամադրել ծրագրին։ Ճամբարի ծրագիրը ներկայացված է։
Հավելյալ տեղեկություն ստանալու համար կարող ես մասնակցել տեղեկատվական հանդիպմանը, որը տեղի կունենա նոյեմբերի 25-ին ժամը 19։00-ին մեր գրասենյակում։
Ո՞վ կարող է մասնակցել ծրագրավորման ճամբարին
Նպատակասլաց մարդիկ, որոնք ցանկանում են զարգանալ ընկերության ներսում և ընկերության հետ։ Մենք փնտրում ենք մարդկանց, որոնք ունեն հետևյալ հատկանիշները՝
- Նվիրված են, ուզում են զարգացնել իրենց մասնագիտական հմտություններն ու թիմի հետ միասին աշխատել հետաքրքիր նախագծերի վրա
- Տեխնիկական գիտությունների և մաթեմատիկայի ֆակուլտետի ավարտական կուրսի ուսանողներ և/կամ շրջանավարտներ են
- Ունեն C#-ի բազային գիտելիքներ
- Պատրաստակամ են աշխատել թիմի հետ
- Ունեն անգլերենի առնվազն B1 մակարդակի իմացություն։
Ի՞նչ ենք մենք երաշխավորում և ինչո՞ւ մասնակցել
- Հիանալի հնարավորություն զարգացնելու ծրագրավորման գործնական հմտությունները
- Հիանալի հնարավորություն աշխատելու իրական նախագծերի վրա
- Հիանալի հնարավորություն միանալու Optimum Partners Armenia ընկերության թիմին որպես կրտսեր .NET ծրագրավորող:
Ծանոթացե՛ք Ձեր դասախոսի և մենթորի հետ
Փորձառու մասնագետի մենթորությունը հաջողության կեսն է։ Սուրեն Էդիլյանը ծրագրային ճարտարագետ է։ Ծրագրավորման ոլորտում ունի ավելի քան 10 տարիների փորձ և ոլորտի լավագույն մասնագետներից է։ Մայքրոսոֆթ ինովացիոն կենտրոնում դասավանդում է 2017 թվականից։ 300-ից ավել ուսանողներ հենց նրա շնորհիվ են սովորել ծրագրավորում։
Ինչպե՞ս մասնակցել
Ճամբարի մասնակցությունը խիստ մրցակցային է, և ընդգրկվելու են այն 12-15 մասնակիցները, որոնք հաջողությամբ կհանձնեն թեստն ու կանցնեն հարցազրույցը։ Եթե վստահ ես, որ ուզում ես փորձել ուժերդ, մինչև նոյեմբերի 26-ը լրացնում ես դիմում-հայտը:
Որքա՞ն արժի ճամբարը։
Ուսման վարձը կազմում է 629,000 ՀՀ դրամ։
Ծրագիրը կսկսվի 2024 թվականի դեկտեմբերի 2-ին և կտևի 6-6,5 ամիս։