Կիբեռանվտանգության հիմունքներ | Նախապատրաստական դասընթաց
- Դասընթացի օրեր
-
- Երեքշաբթի ,
- Հինգշաբթի ,
- Շաբաթ
- Դասընթացի տևողություն
- 10 դաս x 2 ժամ
- Դասընթացի ժամեր
- 19:00 - 21:00
- Դասընթացի սկիզբ
- Երեքշաբթի, սեպտեմբերի 16
- Վճար
- Անվճար
- Տեղեկատվական հանդիպում
- Ուրբաթ, սեպտեմբերի 12, 19:00
- Պահանջվող գիտելիքներ
- Համակարգչային գրագիտություն
Մայքրոսոֆթ ինովացիոն կենտրոնը Ամերիաբանկի հետ համագործակցությամբ մեկնարկում է «ԿիբեռԱնվտանգ» կրթական ծրագիրը։ Նախաձեռնության նպատակն է նպաստել երեխաների և ծնողների թվային առողջությանը և բարձրացնել նրանց տեղեկացվածությունը կիբեռանվտանգության վերաբերյալ։
Այս ծրագրի շրջանակում կազմակերպվում է անվճար դասընթաց՝ «Կիբեռանվտանգության հիմունքներ»: Այն նախատեսված է նրանց համար, ովքեր ցանկանում են բացահայտել կիբեռանվտանգության ոլորտը, ստանալ հիմնարար գիտելիքներ և հասկանալ՝ արդյոք ցանկանում են շարունակել մասնագիտական զարգացումը տվյալ ոլորտում։
Ի՞նչ կսովորեք
Դասընթացի ընթացքում մասնակիցները՝
- Ընդհանուր պատկերացում կկազմեն կիբեռանվտանգության ոլորտի մասին
- Կծանոթանան անվտանգության հիմնական սպառնալիքներին և պարզ մեթոդներին
- Կսովորեն՝ ինչպես գտնել խոցելիություններ համակարգչային ցանցերում, և ինչ միջոցներով են հաքերները կիրառում այդ խոցելիությունները
- Կսովորեն օգտագործել հատուկ գործիքներ՝ ուսումնասիրելու և վերլուծելու նպատակով
- Կկատարեն պարզ փորձեր՝ օգտագործելով գործնական հարթակներ, որոնք նմանեցնում են իրական կիբեռանվտանգության իրավիճակները:
Դասընթացի ծրագրի համար սեղմեք այստեղ։
Ովքե՞ր կարող են մասնակցել
Դասընթացը նախատեսված է 18-35 տարեկան բոլոր նրանց համար, ովքեր ունեն համակարգչային տարրական գիտելիքներ և հետաքրքրված են ոլորտով։ Հատկապես օգտակար է դպրոցականների, ուսանողների, ինչպես նաև մասնագիտական կողմնորոշման փուլում գտնվողների համար։
Դասընթացավարը
Մարտին Ղամբարյանը OSCP սերտիֆիկացված դասախոս է, ով ունի ավելի քան 10 տարվա փորձ կիբեռանվտանգության ոլորտում։ Նրա փորձառությունը ներառում է ներթափանցման թեստավորում, վեբ հավելվածների անվտանգություն, ցանցերի և անլար տեխնոլոգիաների պաշտպանություն, ինչպես նաև անվտանգ համակարգերի նախագծում։ Իր կարիերայի ընթացքում Մարտինը համագործակցել է տարբեր կազմակերպությունների հետ՝ օգնելով ամրապնդել նրանց պաշտպանական ռազմավարությունները և նվազեցնել կիբեռռիսկերը:
Ինչպե՞ս դիմել
Ցանկացողները մինչ սեպտեմբերի 15-ը պետք է լրացնեն ստորև ներկայացված հայտադիմումը։ Հարցերի դեպքում զանգահարեք (099) 545 343, (041) 545 343 հեռախոսահամարներով և մենք ուրախ կլինենք պատասխանել Ձեր հարցերին։ Դիմորդների տրամաբանական մտածողությունն ու համակարգչային գրագիտությունը ստուգելու համար կկազմակերպվի թեստավորում։ Ընտրված մասնակիցները կտեղեկացվեն նախապես։
«ԿիբեռԱնվտանգ ծրագիրը իրականացվում է Ամերիաբանկի աջակցությամբ «Իմ Ամերիա, Իմ Հայաստան» արշավի շրջանակում»։