Տվյալների վերլուծություն
- Դասընթացի օրեր
-
- Երկուշաբթի ,
- Չորեքշաբթի ,
- Շաբաթ
- Դասընթացի տևողություն
- 60 դաս x 2 ժամ
- Դասընթացի ժամեր
- 19:30 - 21:30
- Դասընթացի սկիզբ
- Երկուշաբթի, նոյեմբերի 24
- Վճար
- Ամսական 85,000 ՀՀ դրամ
- Տեղեկատվական հանդիպում
- Չորեքշաբթի, նոյեմբերի 19, 19:00
- Պահանջվող գիտելիքներ
- Տրամաբանություն և մաթեմատիկայի տարրական գիտելիքներ
Տվյալների վերլուծությունը ժամանակակից բիզնեսի և տեխնոլոգիաների անբաժան մասն է․ այն օգնում է թվերի և մեծ տվյալների մեջ տեսնել օրինաչափություններ, բացահայտել միտումներ և կայացնել հիմնավորված ու ճշգրիտ որոշումներ։
Այս դասընթացը նախատեսված է՝
- սկսնակների համար, ովքեր ցանկանում են ձեռք բերել նոր մասնագիտություն տվյալների վերլուծության ոլորտում,
- գործող մասնագետների համար՝ մարքեթինգի, ֆինանսների, կառավարման և այլ ոլորտներից, ովքեր ցանկանում են տվյալների հիման վրա բարելավել իրենց աշխատանքը և կայացնել տվյալահեն որոշումներ։
Դասընթացի ընթացքում մասնակիցները կսովորեն՝
- Տվյալների հավաքագրում, մշակում և վիզուալիզացում,
- Հիմնական վերլուծական գործիքների և մեթոդների կիրառում,
- Իրենց աշխատանքում տվյալների վրա հիմնված լուծումների գործնական իրականացում։
Ուսումնասիրվող հիմնական գործիքները
Excel · SQL (PostgreSQL) · Python · Jupyter Notebook · Tableau · Google BigQuery · Google Looker Studio
Կարճ ծրագիրը ներկայացված է այստեղ։
Դասընթացն անցկացվելու է հիբրիդային տարբերակով՝ երկուշաբթի և շաբաթ օրերին օֆֆլայն տարբերակով, չորեքշաբթի օրը՝ օնլայն։
Դասընթացավարը
Կառլեն Ոսկանյանը տվյալների վերլուծության ավագ ճարտարագետ է EPAM Systems ընկերությունում՝ տվյալների վերլուծության ոլորտում ավելի քան 6 տարվա փորձով։ Իր գործունեության ընթացքում նա աշխատել է տարբեր ոլորտներում՝ դեղագործություն, առողջապահություն, ֆինանսական տեխնոլոգիաներ, iGaming, պետական և հասարակական կառույցներ։ Տեխնիկական հմտությունների, ռազմավարական մտածողության և թիմային աշխատանքի համադրությամբ Կառլենը դասընթացներին բերում է պրակտիկ փորձառություն և արդյունքահեն մոտեցում՝ օգնելով մասնակիցներին ձեռք բերել իրական բիզնեսում կիրառելի գիտելիքներ ու հմտություններ։
Գրանցում և մասնակցություն
Ցանկացողները մինչև նոյեմբերի 20-ը պետք է լրացնեն ստորև ներկայացված հայտադիմումը: Գրանցված մասնակիցները կհրավիրվեն տեղեկատվական հանդիպման: Դասընթացի մասնակցությունը խիստ մրցակցային է, և ընդգրկվելու են այն 12-15 մասնակիցները, որոնք հաջողությամբ կանցնեն հարցազրույցը:
Ուսման վարձը
Ուսման վարձը կազմում է ամսական 85,000 ՀՀ դրամ։
Ծրագիրը կսկսվի 2025 թվականի նոյեմբերի 24-ին և կտևի 5 ամիս։