Բիզնեսները, պետական կառույցները և կրթական հաստատությունները կախված են տվյալների անվտանգությունից։
Մենք ապրում ենք մի իրականության մեջ, որտեղ կիբեռանվտանգության մասնագետների պահանջարկը աճում է աննախադեպ արագությամբ։
Ի դեպ՝ կիբեռանվտանգության մասնագետներն են տեխնոլոգիական ոլորտի այն ներկայացուցիչները, որոնց աշխատանքը արհեստական բանականությունը դեռ չի կարող փոխարինել։
Հայաստանում ևս այդ պահանջարկը օր օրի մեծանում է․ կազմակերպությունները փնտրում են մասնագետներ, որոնք կարող են պաշտպանել համակարգերը, վերլուծել հարձակումները և կանխել սպառնալիքները՝ դեռ դրանց առաջացման փուլում։
Կանխատեսելով մոտ ապագայում կիբեռանվտանգության մասնագետների պահանջարկի շարունակական աճը և աշխատաշուկայում առկա զգալի բացը՝
Մայքրոսոֆթ Ինովացիոն Կենտրոնը, CompTIA-ն և CyHub Armenia՝ ՁԻՀ կիբեռանվտանգության նախաձեռնությունը, ներկայացնում են CompTIA Security+ դասընթացը։
Դասընթացի մասին
Security+ դասընթացը նախատեսված է այն մասնագետների համար, ովքեր ցանկանում են ամրապնդել իրենց դիրքը կիբեռանվտանգության ոլորտում։
Այն հնարավորություն է տալիս ձեռք բերել միջազգային չափորոշիչներին համապատասխան գիտելիքներ և գործնական հմտություններ՝ հիմնված CompTIA-ի պաշտոնական ուսումնական ծրագրի վրա։
Դասընթացում ներառված թեմաներին կարող եք ծանոթանալ այստեղ:
Դասընթացը նախատեսված է այն մարդկանց համար, ովքեր արդեն ունեն ՏՏ ոլորտի բազային գիտելիքներ և ցանկանում են շարունակել կիբեռանվտանգության ուղղությամբ։
Մասնակցության համար ցանկալի է ունենալ ընդհանուր պատկերացում հետևյալ թեմաների վերաբերյալ՝
Մասնակցությունից առաջ անհրաժեշտ է անցնել գիտելիքները ստուգող թեստավորում։
Եթե մասնակիցը ոլորտային գիտելիքներ չունի, նա կարող է նախ մասնակցել Կիբեռանվտանգության հիմունքներ | Նախապատրաստական դասընթացին՝ իր գիտելիքները համապատասխան մակարդակի բերելու համար։
Ավարտելուց հետո մասնակիցները՝
Security+ սերտիֆիկացիան հնարավորություն է տալիս աշխատել կիբեռանվտանգության ոլորտի մեկնարկային պաշտոններում՝ ինչպես Հայաստանում, այնպես էլ արտերկրում, այդ թվում՝ SOC վերլուծաբան, Տեղեկատվական անվտանգության մասնագետ, ՏՏ աջակցման (Help Desk) մասնագետ։
Մարտին Ղամբարյանը OSCP սերտիֆիկացված դասախոս է, ով ունի ավելի քան 10 տարվա փորձ կիբեռանվտանգության ոլորտում։ Նրա փորձառությունը ներառում է ներթափանցման թեստավորում, վեբ հավելվածների անվտանգություն, ցանցերի և անլար տեխնոլոգիաների պաշտպանություն, ինչպես նաև անվտանգ համակարգերի նախագծում։ Իր կարիերայի ընթացքում Մարտինը համագործակցել է տարբեր կազմակերպությունների հետ՝ օգնելով ամրապնդել նրանց պաշտպանական ռազմավարությունները և նվազեցնել կիբեռ ռիսկերը։
Հիմնական փաթեթ
40 ժամյա դասընթաց + մեկ տարվա հասանելիություն CompTIA-ի պաշտոնական կրթական հարթակին։ Արժեքը՝ 594,000 դրամ։
Ընդլայնված փաթեթ
Հիմնական փաթեթ + CompTIA Security+ (V7) սերտիֆիկացիոն քննության երկու փորձի հնարավորություն։ Արժեքը՝ 815,000 դրամ։
Ցանկացողները մինչ նոյեմբերի 23-ը պետք է լրացնեն ստորև ներկայացված հայտադիմումը։ Հարցերի դեպքում զանգահարեք (099) 545 343, (041) 545 343 հեռախոսահամարներով և մենք ուրախ կլինենք պատասխանել Ձեր հարցերին։