HackaFair (Hackathon+Career fair)
Մասնակցի՛ր HackaFair-ին, ստեղծի՛ր հետաքրքիր նախագծերի դեմո տարբերակը և հաղթի՛ր արժեքավոր մրցանակներ
Մայքրոսոֆթ ինովացիոն կենտրոն Հայաստանը և Գյումրու տեղեկատվական տեխնոլոգիաների կենտրոնը «Տեխնոլոգիական զարգացման խթանումը Շիրակի մարզում» ծրագրի շրջանակում հոկտեմբերի 5-6-ին (ուրբաթ-շաբաթ) կազմակերպում են նոր ձևաչափի հեքըթոն, որը հնարավորություն կտա մասնակիցներին գործնականում ցուցադրել ծրագրավորման ոլորտում իրենց ունեցած գիտելիքները պոտենցիալ գործատուներին, մրցել միմյանց հետ և ապացուցել, որ հնարավոր է 6 ամիսների ընթացքում սովորել ծրագրավորում և մշակել հետաքրքիր լուծումներ կամ դրանց դեմո տարբերակները։
Ո՞վ կարող է մասնակցել HackaFair-ին
Կարող ես մասնակցել դու, եթե 2017-2018թթ ընթացքում մասնակցել ես ծրագրավորման դասընթացների Եվրոպական միության կողմից և ՀՀ Տարածքային զարգացման և կառավարման նախարարության կողմից ֆինանսավորվող «Տեխնոլոգիական զարգացման խթանումը Շիրակի մարզում» ծրագրի շրջանակում։
Ինչո՞ւ մասնակցել HackaFair-ին
- Ծանոթանալու հնարավոր գործատուների հետ և գործնականում նրանց ցույց տալու ծրագրավորման ոլորտում ունեցած քո հմտությունները
- Մշակելու հետաքրքիր նախագծեր տուրիզմի, կրթական, բիզնեսին ավտոմատացման, խաղերի և այլ ոլորտներում, որոնք միգուցե հետագայում դառնան հետաքրքիր պրոդուկտներ
- Պայքարել մյուս թիմերի հետ, չափել ուժերը ձեր կատարած աշխատանքի ու գիտելիքների տեսքով։
Ինչպե՞ս դիմել
- Կազմի՛ր 2-4 հոգանոց թիմ։
- Մտածի՛ր քեզ հետաքրքրող ցանկացած խնդրի վերաբերյալ նորարար տեխնոլոգիական լուծում։
- Մինչև սեպտեմբերի 30-ը լրացրո՛ւ հայտադիմումը։
- Եվ տրամադրվի՛ր լավ ներկայանալ տարբեր ՏՏ ընկերությունների ներկայացուցիրչներին՝ քո գիտելիքներն ամբողջությամբ նրանց ցուցադրելու համար։
Ի՞նչ ենք անելու HackaFair-ին
- Գրելու ենք հարյուրավոր տող կոդ 24 ժամերի ընթացքում
- Ծանոթանալու ենք նոր ՏՏ ընկերությունների ներկայացուցիչների հետ
- Ունենալու ենք հնարավորություն ներկայանալ պոտենցիալ գործատուներին և «գրավել նրանց ուշադրությունը»
- Մասնակցելու ենք հետաքրքիր սեմինարների այն մասին, թե ինչպես ներկայանալ գործատուին, ինչպես դառնալ ավելի պահանջված ծրագրավորող և այլ հետաքրքիր թեմաներ ու էլ ավելի հետաքրքիր խոսնակներ
- Հավես ու հետաքրքիր ժամանակ ենք անցկացնելու
- Մրցելու ենք միմյանց հետ՝ ի ցույց դնելով ձեր թիմային աշխատանքը
- Պայքարելու ենք լավ մրցանակների համար։
Միջոցառման մասնակցության համար թիմերը ընտրվելու են ըստ լրացված հայտադիմումի, քանի որ մասնակիցների քանակը լինելու է սահմանափակ 😊։ Խնդրում ենք մասնակցության հայտադիմումը լրացնել մինչև սեպտեմբերի 30-ը ժամը 18․00: