Սկսի՛ր պրոֆեսիոնալ Full Stack .NET ծրագրավորողի քո կարիերան
- Դասընթացի սկիզբ
- 26 սեպտեմբերի, 2023
- Դիմումների վերջնաժամկետը
- 19 սեպտեմբերի, 2023
- Ծրագրի տևողություն
- 6 ամիս
- Տեղեկատվական հանդիպում
- Երեքշաբթի, սեպտեմբերի 19, 19:00
Մայքրոսոֆթ ինովացիոն կենտրոն Հայաստանը սկսում է նոր ձևաչափի, դասընթացներով և պրակտիկ աշխատանքով հագեցած ինտենսիվ ծրագրավորման ճամբար, որի ընթացքում մասնակիցները սովորելու են ծրագրավորման՝ ամենամեծ կարևորություն և պահանջարկ ունեցող տեխնոլոգիաներն ու հմտությունները։ Ծրագրավորման ճամբարի արդյունքում մասնակիցները կունենան Full Stack .Net կրտսեր ծրագրավորողի համար ավելի քան բավարար գիտելիքներ՝ աշխատաշուկայում մրցունակ լինելու և կրտսեր ծրագրավորողի թափուր հաստիքներին հավակնելու համար։ Ճամբարի ծրագիրն առանձնահատուկ է․ մշակված է աշխարհի լավագույն կրթական ծրագրերի հիման վրա և իրականացվելու է՝ որպես հիմք ընդունելով նախորդ պրակտիկայի ծրագրերի փորձը, որոնց արդյունքում ավելի քան 800 մասնակից աշխատանքի են անցել Volo, Praemium, Zevit, Betconstruct, Digitain, Fortra, Picsart, Topsoft, MerSoft, Optym, Intel-Soll, Questrade և այլ առաջատար հայկական ՏՏ ընկերություններ։
Ի՞նչ է ծրագրավորման ճամբարը
Սովորի՛ր և զարգացրո՛ւ ծրագրավորման այն հմտությունները, որոնք քեզ պետք են աշխատանքի անցնելու համար։
- Կսովորես ծրագրավորման ոլորտի ամենապահանջված լեզուները և տեխնոլոգիաները՝ C# և .NET Framework-ից մինչև ASP.Net Core, ներառյալ SQL, Entity Framework և այլ տեխնոլոգիաներ, որոնք անհրաժեշտ են յուրաքանչյուր full stack ծրագրավորողի համար։
- Թիմային աշխատանքի շրջանակում կկառուցե՛ս իրական վեբ հավելվածներ, տվյալների հենքով հավելվածներ` օգտագործելով այնպիսի գործիքներ ինչպիսիք են` Visual Studio-ն և Team Foundation Services-ները,
- Ճամբարից հետո կանցնես աշխատանքի որպես կրտսեր վեբ ծրագրավորող գործընկեր կազմակերպություններում։
Ո՞վ կարող է լինել ճամբարի մասնակից
Չնայած ծրագրավորման ճամբարը լինելու է վճարովի հիմունքներով, սակայն մասնակցելու են նրանք, ովքեր
- 15-30 տարեկան են,
- Ունեն ցանկացած ծրագրավորման լեզվի տարրական իմացություն և մաթեմատիկայի լավ գիտելիքներ,
- Ունեն միջին մակարդակի անգլերեն գիտելիքներ
- Ծրագրավորումը դիտարկում են ոչ միայն ֆինանսական կայունության երաշխիք, այլ նաև ստեղծագործելու հնարավորություն,
- Սիրում են սովորել ու չբողոքել 😊,
- Պատրաստ են տրամադրել 6 ամիս,
- Մեկ շաբաթից չեն հիասթափվելու ու սպասելու ճամբարի ավարտվելուն։
Ինչպե՞ս է անցնելու քո կյանքը ճամբարում
Ծրագրի մասնակիցներն ընտրվելու են թեստավորման և հարցազրույցի միջոցով։ Ընտրված մասնակիցները կներառվեն ճամբարում, որը կտևի ընդհանուր 6 ամիս և բաղկացած կլինի ինչպես ինտենսիվ դասերից, պրեզենտացիաներից, այնպես էլ մենթորի հետ քննարկումներից, նախագծերի մշակումից, թիմային աշխատանքներից ու գործող ծրագրավորողների հետ հանդիպումներից։ Օրական կտրվածքով առնվազն 2-4 ժամ տրամադրելու ես սովորելուն՝ ի հավելումն դասաժամերի։
Ի՞նչ ես սովորելու
Սովորելու ես այն ամենը, ինչ քեզ պետք է աշխատանքի անցնելու համար՝ ծրագրավորման հիմունքներից մինչև վեբկայքերի և հավելվածների մշակում, փոքր ծրագրերի նախագծում ու իրականացում։ Ամենակարևորը՝ սովորելու ես մտածել որպես ծրագրավորող, խնդիրներ լուծել և գտնել խնդրի հնարավոր լուծման ուղիներ։ Ու այս ամենը թիմի կազմում, մենթորի աջակցությամբ վերահսկողությամբ։
Ճամբարի ծրագիրը ներկայացված է այստեղ։
Ինչպիսի՞ նախագծեր ենք մշակելու
Դասընթացի յուրաքանչյուր փուլին զուգահեռ անցած նյութը գործնական կիրառում կունենա իրականացվող նախագծերի վրա։ Ճամբարի ընթացքում մասնակիցները կսովորեն, թե ինչպես կազմակերպել թիմային աշխատանքը և կիրառել Agile մշակման սկզբունքները և այլն։
Նախագծերը կունենան տարբեր առաջադրանքներ։ Ճամբարի ընթացքում ստեղծված նախագծերը կկազմեն քո պորտֆոլիոյի մի մասը, որը և կներկայացնես քո ապագա գործատուներին։
Ծանոթացի'ր ճամբարի տեխնիկական ղեկավարին, քո մենթորին
Փորձառու մասնագետի մենթորությունը հաջողության կեսն է։ Լևոն Հովհաննիսյանն աշխատում է Մայքրոսոֆթում որպես ամպային լուծումների ճարտարագետ։ Ծրագրավորման ոլորտում ունի 15 տարվա փորձ և ոլորտի լավագույն մասնագետներից է։ Մայքրոսոֆթ ինովացիոն կենտրոնում աշխատում է 2013 թվականից։ 500-ից ավելի ուսանողներ հենց նրա շնորհիվ են սովորել ծրագրավորում։
Ի՞նչ ենք մենք երաշխավորում կամ ինչո՞ւ մասնակցել
- Ոլորտային արժեքավոր գիտելիքներ,
- Պրակտիկ հմտություններ,
- Հիանալի տրամադրող միջավայր,
- Ոլորտային բարձրակարգ մասնագետների հետ շփում, կապեր հայկական ՏՏ ընկերությունների հետ։
Ինչպե՞ս ընդգրկվել ճամբարում
Ճամբարի մասնակցությունը խիստ մրցակցային է, և ընդգրկվելու են այն 12-15 մասնակիցները, որոնք հաջողությամբ կհանձնեն թեստն ու կանցնեն հարցազրույցը։ Եթե վստահ ես, որ ուզում ես փորձել ուժերդ, մինչև սեպտեմբերի 19-ը լրացնում ես դիմում-հայտը:
Եթե ունես հարցեր, գալիս ես մեր գրասենյակ՝ նախապես պայմանավորվելով և հղում բոլոր հարցերը։
Ինչքա՞ն արժե այս հաճույքը
Ուսման վարձը կազմում է 550,000 ՀՀ դրամ։
Ծրագիրը սկսվելու է սեպտեմբերի 26-ից և ավարտվելու է 2024թ․ի մարտին։